Народный театр “Эйгэ”


Саха төрүт культуратын дириҥник үөрэтэр, дьоҥҥо-сэргэҕэ киэҥник тарҕатар сыалтан 1998 сыллаахха «Төрүт культура» кафедратын иһинэн «Эйгэ» диэн студеннар сиэр-туом театра олохтонон үлэтин саҕалаабыта. Бу театр уратытынан норуот уус-уран айымньытыгар олоҕуран спектакллары туруоруу буолар. Оҕолор туохха үөрэммиттэрин, хайдах сайдыбыттарын театр искусствотын нөҥүө көрдөрөллөр. Театр, Россия культуратын үтүөлээх үлэһитэ, Саха Республикатын үтүөлээх артыыһа А.С.Федоров «Уһуйуу» экспериментальнай площадкатын иһинэн төрүттэммитэ. Театр үлэтин биир сүрүн олуга А.С.Федоров олохтообут эрчиллиилэрэ. Ол курдук, оҕолор таба тыыныыга, кылыһах, эт-хаан, ырыа-тойук сайдыытыгар анаммыт эрчиллиилэри күн ахсын оҥороллор. Маны таһынан театр гастрольнай үлэнэн эмиэ дьарыктанар.
Т өр үт культура салаатын аан маҥнай бүтэрэн барбыт выпускниктар дипломнай туруоруулара «Хатан Эрбийэ бухатыыр» олоҥхо буолбута (1993с., режиссер А.И.Васильев, уһуйааччы А.С.Федоров, курс салайааччыта Л.И.Решетникова. Сылын аайы итэҕэл сиэрин-туомун спектакыллара тахсан испиттэрэ, 1998 сыллаахха Сунтаар уонна Чурапчы улууһугар буолбут түбэлтэлэргэ олоҕуран «Кут көтөҕүү» туруоруу норуот омук быһыытанан өйө-санаата уһуктуутугар, төрүт үгэстэригэр төннүүтүгэр олук уурбута (Режиссер  А.С.Федоров, уһуйааччы А.Р. Александров). 2004 сыллаахха А.Е.Кулаковскай «Сүүһүн туолбут эмээхсин ырыата» айымньыта сценаҕа тахсан көрөөччү биһирэбилин ылбыта. «Розовая чайка» I республиканскай ыччат театрдарын көрүү фестивалын Гран-при хаһаайынын үрдүк аатын сүкпүтэ (Режиссер, курс салайааччыта Боппоенова М.Г., уһуйааччы Винокуров М.Н., музыканан киэргэтии Сергучев Г.Г.).
«Эйгэ» студенческай сиэр-туом народнай театрын студеннара сылын аайы ыытыллар республиканскай эдэр олоҥхоһуттар, оһуохайдьыттар, чабырҕахсыттар, хомусчуттар конкурстарын лауреаттарынан, дипломаннарынан, ону таһынан международнай араас көрүүлэр, фестиваллар кыттыылаахтарынан, кыайыылаахтарынан буолаллар (2001с.-Лион, Франция; 2008, 2009сс. – Астана, Казахстан; 2008 с. – Чита, Читинскэй уобалас). Михайлова Ньургуяна «Ильмень үрдүнэн туруйалар» (2005с.), Азарова Мария «Аанчык» (2006с.) киинэлэргэ сүрүн оруолларга уһуллубуттара.
Оҕолор туруорбут дипломнай спектаклларынан республика араас улуустарын кэрийэллэр: Уус-Алдан, Бүлүү, Горнай, Чурапчы, Таатта, Мэҥэ Хаҥалас уо.д.а.

2005 сыллаахха «Эйгэ» театра ситиһиилээх айар үлэтин иһин «народнай» ааты ылбыта.Театр 20-чэ кэриҥэ спектакллары ситиһиилэхтик туруоран дьоҥҥо-сэргэҕэ таһааран көрдөрдө: «Кут көтөҕүүтэ» (1998 с.), «Быстахха былдьаныы» (1998 с.), «Үйэлэр ыпсыыларыгар» (1998 с.),«Сарбыллыы» (1999 с.),«НН-ч түүлэ» (1999 с.), «Айыллыы» (2000 с.), «Орто дойду одуруунугар халлаантан хайдах дьол түспүтүн туһунан» (2000 с.), «Ыйаах» (2001 с.), «Хордоҕой халдьаайы» (2002 с.), «Олох сүүрээнэ» (2002 с.), «Сүүһүн туолбут эмээхсин ырыата» (2003 с.), «213№-дээх уураах» (2004 с.), «Удьуор ситимэ» (2005 с.), «Ыйаах» (2005 с.), «Ууска уһуйуу» (2006 с.), «Кылбаа маҥан кыталыктар» (2006 с.), «НН-ч түүлэ» (2006 с.), «Тимир куйахтаах Дьурантай бухатыыр» (2007 с.), «Мин аатым Туллук…» (2008 с.), «Төлкө түөрэҕэ» (2009 с.), «Күөнэ көҕөччөр аттаах күүстээх-уохтаах Күн Күндүлү Бухатыыр (2009 с.), «Ийэ сир алгыһынан» (2010 с.).



 
Якутский колледж культуры и искусств, г.Якутск, ул. Халтурина, 14/5. Телефоны: (4112) 40-27-42, 40-27-41

                    

 
разработка сайта: ООО Эйфос, информационные технологии