Культура уонна искусство колледжын устудьуоннара Саха театрын дириэктэринээн кɵрүстүлэр


Алтынньы ый 23 күнүгэр Дьокуускайдааҕы культура уонна искусство колледжыгар биир бэлиэ күн буолан ааста: Саха академическай театрын дириэктэрэ, Саха Республикатын үтүɵлээх артыыһа Анатолий Павлович Николаев кэлэн ыалдьыттаата. Кини устудьуоннарга бэйэтин олоҕун кэрчиктэрин, үɵрэҕин, үлэтин, олоҕун сыалын-соругун туһунан сиһилии кэпсээтэ. Бу кэпсээнигэр саха итэҕэлин, культура тɵрүттэниитин, сайдыытын туһунан тус санаатын сырдатта.  Тɵрɵɵбүт дойдубут киэн туттар умнуллубат ааттаах дьонун  туһунан олус интэриэһинэй, туһалаах кэпсэтиини таһаарда. Устудьуоннар олус сɵбүлээн, сэргээн, боппуруос арааһын ыйытан кɵхтɵɵхтүк кыттыннылар. Анатолий Павлович ыйытыыларынан күрэх ыытта, онно бэлэмнээх устудьуоннарга кɵҕүтэр бириистэрдээх кэлбит. Кыайыылаахтар Саха театрыгар оонньонор испэктээкилгэ билиэккэ, кэпсээннэрдээх кинигэҕэ, Саха театрын антологиятыгар, сценографиялаах, творческай материаллаах диискэлэргэ тигистилэр.

Культура сайдарын туһугар үлэлэһэр дьон үɵрэхпит кыһатыгар кэлэн ыалдьыттаан санааларын атастаһаллара, эбии билиини-кɵрүүнү үллэстэллэрэ олус да күндү! Манна айар-тутар күндү  ыалдьыттары ɵрүү күүтэбит.

Айталина Кириллина, СКД 2 курс



 
Якутский колледж культуры и искусств, г.Якутск, ул. Халтурина, 14/5. Телефоны: (4112) 40-27-42, 40-27-41

                    

 
разработка сайта: ООО Эйфос, информационные технологии