Кулун тутар 11-15 күннэригэр төрүт культура салаатын 4 курсун устудьуоннара  «Күтүр» (В.С.Яковлев – Далан  «Оруоhуттар кур оҕустарын өлөруүүлэрэ» сэһэнигэр олоҕурбут туруоруу) дипломнай испэхтээхтэринэн  уонна оҕолорго аналлаах «Маршал уонна кини доҕотторо» диэн программанан  Горнай, Кэбээйи улуустарынан гастроллаан кэллилэр. Салайааччыларынан төрүт культура салаатын уhуйааччыта Сардана Васильевна Харитонова, тэрийээччинэн Федора Терентьевна Гоголева иилээн-саҕалаан илдьэ сырыттылар.  Горнай улууһун Ааhыма нэhилиэгиттэн гастроллара саҕаламмыта. Детсад саастаах оҕолортон саҕалаан, оскуола оҕолорун, нэһилиэк олохтоохторун хабан бэрт сэргэхтик үлэлээтилэр. Улахан кылаас оҕолоругар профориентационнай үлэни ыыттылар. Эҕэрдэ номердары көрдөрөн оҕолор интириэстэрин тартылар.  Кэбээйи улууһугар Тимофей Сметанин аатынан историческэй музейы көрөн, улуус, нэһилиэк олоҕун уонна историятын кытта билистилэр. Ону тэҥэ, Тимофей Егорович Сметанин аатынан Кэбээйитээҕи народнай театр төрүттээччилэрин Савва Николаевич Тимофеевы уонна Гаврил Федорович Иванову кытта көрсүһэн,  аҕа саастаах дьон алгыстарын, сүбэлэрин ылынан санааларын атыстастылар.  Испэхтээххэ сылдьыбыт нэһилиэк олохтоохторо хайҕабыл уонна махтал тылларын анаатылар. Кэбээйи улууһун олохтоохторо оҕолору олус сэргэхтик көрсөн, аатырбыт Кэбээйи соботунан күндүлээн устудьуоннары үөртүлэр.  Гастролларын Горнай улууhун Күөрэлээх нэһилиэгинэн түмһктээтилэр.

Гастрол түмүгүнэн оҕолор үгүһү биллилэр-көрдүлэр, элбэх туһалааҕы иҥэриннилэр, салгыы айар үлэлэригэр аартык арыннылар. Устудьуоннар Горнай уонна Кэбээйи улуустарын администрацияларыгар барҕа махталларын тиэрдэллэр.