Тохсунньу ый – Таҥха ыйынан биллэр. Ол чэрчитинэн тохсунньу 18 күнүгэр Дьокуускайдааҕы культура уонна искусство колледжыгар «Таайтарыылаах Таҥха киэһэтэ» диэн тэрээһини тɵрүт культура салаата ыытта.

Бу киэhэ кэлбит ыалдьыттарга анаан сахаларга былыр-былыргыттан тарҕаммыт Таҥха ɵйдɵбүлүн, кэмин суолтатын, оонньууларын араастарын тустарынан уонна таҥха кэмигэр олоххо буолбут араас түбэлтэлэри сэhэргээтилэр. Хас биирдии бу киэhэҕэ кэлбит ыалдьыт таайтарыылаах кэм туhунан элбэги биллэ, сонуну иhиттэ. Саха төрүт культуратын сэҥээрээччилэр  кинигэнэн таайыы, бүргэс сүүрдүүтэ, күлүк кɵрүүтэ, түɵрэх быраҕыыта, хорҕолдьун уулларыыта курдук оонньуулары оонньоон дуоhуйан тарҕастылар.