Бу дьыл тохсунньу 17 күнүгэр Өксөкүлээх Өлөксөй аатынан норуоттар доҕордоһууларын дьиэтин гостинай саалыгар Олоҥхо киинэ икки сылга биирдэ буолар «Арай биирдэ…» остуоруйаһыттар, сээркээн сэһэнньиттэр күрэхтэрин алтыс төгүлүн тэрийэн ыытта. Онно биһиги үөрэхпит кыһатыттан  төрүт культура салаатын 1 кууруһун устудьуоннара ситиһиилээхтик кытыннылар. Ол курдук Алексеев Сергей  В. Яковлев – Далан «Ини биилэр» кэпсээнинэн «Истээччи биһирэбилэ» үрдүк ааты ылла. Слепцов Петр  Г. Федоров «Быырпах Ньукулай» айымньытынан «Кэскиллээх сэһэнньит», Зыкова Александра И. Евдокимов «Дьикти тарбыйах» айымньытынан, Прокопьев Сандал П. Захаров «Сабырыкы ойуун туһунан сэһэн» суруйуутунан  «Сонун сэһэнньит» анал ааттарынан бэлиэтэннилэр.

Студеннар сээркээн сэһэнньиттэр кэпсээннэрин болҕойон иһиттилэр, сэһэргиир уратыларын үөрэттилэр. Номох, үһүйээн дьиктитин, кэрэхсибиллээҕин иһиттилэр.

Киэһэни араадьыйа, Олоҥхо тыйаатырын фондаларыгар устан үйэтиттилэр.

Салайааччы А.Н. Васильева