«Саныаҕыҥ, доҕоттор, ааспыты…»


Сэтинньи 4 күнүгэр Суорун Омоллоон аатынан опера уонна балет тыйаатырыгар «Саныаҕыҥ, доҕоттор, ааспыты…» диэн «Кыым» хаһыат кэнсиэрэ буолан ааста. «Кыым» ɵрɵспүүбүлүкэбитигэр саамай улахан тиражтаах сахалыы тыллаах хаһыат. Ол иһин даҕаны буолуо, кɵрɵɵччү икки кэнсиэргэ толору кэллэ. Бу тэрээһин сыл ахсын Норуот сомоҕолоһуутун күнүгэр «Ситим» медиа-холдинг генеральнай дириэктэрэ Мария Христофорова кɵҕүлээһининэн ыытыллар. Аҕа кɵлүɵнэ бу күнү Улуу Ɵктɵɵп бырааһынньыгын кытта ситимниир. Онон кэнсиэргэ сүрүннээн сэбиэскэй кэмнээҕи ырыалар ылланаллар.

Сыл ахсын кэнсиэр тематиката уларыйан иһэр. Быйыл ааспыт үйэ 70-80-с сылларыгар ылламмыт саамай чулуу айымньылар  иһилиннилэр. Биһиги колледжпытыттан бу тэрээһиҥҥэ «Толомон», «Туйаарар», «Арылык» ырыа ансаамбыллара (уус-уран салайааччы Георгий Сергучев), тɵрүт култуура (салайааччылар – Сардана Харитонова, Роман Габышев), үҥкүү (салайааччылар – Елизавета Иринеева, Ньургун Индеев), хор дирижера (уус-уран салайааччы – Лариса Егорова) салаа устудьуоннара кыттан кэнсиэри  киэргэттилэр, үгүс кɵрɵɵччү биһирэбилин ыллылар. Маннык тэрээһиннэргэ кыттан устудьуоннар ааспыт кэм ырыаларын кытта билсэллэр, элбэххэ үɵрэнэллэр, дьоҕурдарын-сатабылларын сайыннараллар.



 
Якутский колледж культуры и искусств, г.Якутск, ул. Халтурина, 14/5. Телефоны: (4112) 40-27-42, 40-27-41

                    

 
разработка сайта: ООО Эйфос, информационные технологии