Төрүт култуура салаатын 3 кууруһун устудьуоннара салаа выпускнига Быгынанов А.Н.  кытта көрүстүлэр. Айаал Никитич 2023с. үөрэҕин кэннэ аармыйаҕа сулууспалаан кэлэн баран,  “Уол оҕо төрөөбүт дойдутугар хаалыахтаах” диэн санаанан салайтаран, Таатта улууһун Харбалаах оҕо ускуустубатын оскуолатыгар фольклор кылааһын, нэһилиэк “Кэскил” оҕо уһуйаанын  уһуйааччыларынан иккис сылын айымньылаахтык үлэлиир. Кини өссө М.К. Аммосов аатынан ХИФУ Тылга уонна культураҕа институтун кэтэхтэн үөрэнии салаатын 2 кууруһун устудьуона.

Быгынанов А.Н. үөрэммит кэмнэрин, үлэтин-хамнаһын, олоҥхону үөрэтии кистэлэҥнэрин кэпсээтэ. Ыйытыыларга хоруйдаата уонна устудьуоннарга үөрэҕи бүтэрэн баран эдэр специалист үлэтин суолун тыа сириттэн саҕалыыра ордук эбит диэн бэйэтин санаатын үллэһиннэ.

ПЦК “ЭХТ”