Кулун тутар ый 25 күнүгэр Уус-Алдан улууһун Суотту нэһилиэгэр Дмитрий Кононович Сивцев – Суорун Омоллоон аатынан «Доҕордоһуу» музейыгар «Хаар-хаар барахсан» диэн республикатааҕы XXIII төгүлүн ыытыллар спортивнай күрэҕэ буолан ааста.

Бу күрэххэ А.Д. Макарова аатынан культура уонна искусство колледжын төрүт культура салаатын 3 курсун устудьуоннара көхтөөх кыттыыны ылан кэллилэр. Манна кинилэр үрдүк таһымнаахтык күрэх аһыллыытын уонна үөрэх ис хоһоонун билиһиннэрэн, сынньана кэлбит дьоҥҥо-сэргэҕэ эҕэрдэ кэнсиэр тэрийдилэр. Кэнсиэргэ барыта 28 нүөмэр киирбитэ, ол иһигэр араас көрдөөх оонньуулар, тэтимнээх үҥкүүлэр, ылбаҕай ырыалар-тойуктар көрдөрүлүннүлэр. Бу тэрээһин устудьуоннар өйдөрүгэр-санааларыгар эдэр саас чаҕылхай умнуллубат түгэннэрин бэлэхтээтэ, тэрийэр дьоҕурдарын сайыннарарга өссө биир олук буолла.

ПЦК «ЭХТ»