Ааһан иһэр 2025 сыл Аҕа дойдуну көмүскүүр Улуу сэрии түмүктэммитэ 80 сылыгар анаан, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларынан биллэриллибитэ. Ол чэрчитинэн, ахсынньы 8 күнүгэр төрүт култуура салаатыгар кэриэстэбил сылын түмүктүүр «Ким да умнуллубат, туох да умнуллубат!» тэрээһин буолан ааста. Тэрээһин ыалдьытынан сэрии оҕото, колледжпыт ветеран-педагога, СӨ култууратын үтүөлээх үлэһитэ Слепцова Тамара Егоровна буолла.

Тамара Егоровна сэрии ыар сылларыгар ааспыт оҕо сааһын, сэрии хонуутугар геройдуу охтубут  саллаат аҕатын, колхуостар үлэлэрин, оччотооҕу дьон бэйэ-бэйэлэригэр кыһамньылаах сыһыаннарын, кыайыы кэнниттэн алларыйбыт дойду экэниэмикэтин өрө тардыыга дьон-норуот оҕотуттан-оҕонньоругар диэри туруммутун туһунан сүрдээх истиҥник ахтан-санаан кэпсээтэ. Устудьуоннар ыйытыктарыгар хоруйдаата, кэпсэтии түмүгэр Тамара Егоровна оҕолорго ыйытык биэрэн сөпкө хоруйдаабыкка бэйэтин бэлэҕин туттарда.

Маннык истиҥ көрсүһүүлэр үүнэр көлүөнэ ыччакка аҕа дойдуга тапталы, бэриниилээх буолууну, үлэни өрө тутарга үөрэтэллэр, иитэллэр.

ПЦК «Этнохудожественное творчество», фото – Гаврил Прокопьев, “ФВТ-25”