Тохсунньу ый 16 күнүгэр А.Д . Макарова аатынан Дьокуускайдааҕы культура уонна искусство колледжыгар «Таайтарыылаах таҥха оонньуулара» диэн тэрээһин буолан ааста. Бу тэрээһини төрүт культура салаатын устудьуоннара тэрийэн ыыттылар.

Норуоппут итэҕэлин, үгэстэрин уонна таҥха туһунан бэрт интэриэһинэй сэһэни ыҥырыылаах ыалдьыттарбыт Гуманитарнай чинчийии, хотугу агыйах ахсааннаах омуктар проблемаларын уерэтэр институт уонна Геокультурнай брендинг лабораториятын билим аҕа үлэһитэ, история билимин хандьыдаата, этнограф Наталия Ксенофонтовна Данилова уонна Арктикатааҕы культура уонна искусство судаарыстыбаннай институтун доцена, педагогика билимин хандьыдаата Евдокия Степановна Сергина сэһэргээтилэр, ыйытыктарга хоруйдаатылар.

Тэрээһиҥҥэ үгэс буолбут билгэлэнии оонньуулара ыытылыннылар. Ол курдук бүргэһи сүүрдүү, күлүгү көрүү, түөрэх быраҕыы, кинигэнэн билгэлэнии, чүмэчи сыатынан билгэлэнии, таро хаартынан сэрэбиэйдэнии ыччат дьон сэҥээриитин ыллылар.

ПЦК “ЭХТ”