Ахсынньы ый 7-8 күннэригэр Арктическай государственнай культура уонна искусство институтун иһинэн Бүтүн Россиятааҕы эдэр эпоһы (олоҥхону) толорооччулар күɵн күрэстэрэ буолан ааста. Уопсайа 30 кыттааччы Саха сирин араас улуустарыттан, ону таһынан ыраах сирдэртэн Алтайтан Тельденов Василий Константинович, Туваттан Хомушку Ай-Курай, Башкирияттан Масалимов Данир Юлаевич икки күн устата күрэхтэстилэр.

Биһиги үɵрэхпит кыһатыттан тɵрүт культура салаатын 4-с курсуттан  Стручкова Наталья, 3-с курстан Семенова Айна, Хахырова Нюргуяна, Филиппов Петр бэйэлэрин холонон кɵрдүлэр.

Күрэх түмүгүнэн уопсайа 10 дипломант, 3 лауреат үрдүк ааты туттардылар. Олор истэригэр Филиппов Петр Бүтүн Россиятааҕы эдэр эпоһы (олоҥхону) толорооччулар күрэхтэригэр Дипломант үрдүк аатын ылла. Бу иннинэ сэтинньи ый 9-10 күннэригэр Уус-Алдан улууһун Бэйдиҥэ нэһилиэгэр Петя сыллата ыытыллар Республикатааҕы эдэр олоҥхону толорооччулар «Муҥха олоҥхото» фестивалга «Уһун тыыннаах олоҥхоһут» анал ааты сүкпүтэ.

Студеннарбытыгар ɵссɵ тɵгүл үрдүк ситиһиилэринэн итии-истиҥ эҕэрдэ, инникитин ситиһиилэри баҕарабыт!