Балаҕан  ыйын  23  күнүгэр  Саха  сиринээҕи  культура  уонна  искусство колледжыгар төрүт  культура  салаатыгар  саҥа  үөрэнэ  киирбит  оҕолорго  сүрэхтэнии  киэһэтэ  буолан  ааста.

Тэрээһини  иккис курстар (куратор Г.А. Лыткина) иилээн – саҕалаан  ыыттылар. Сахалыы   кырыымпа тыаһа, нарын музыка көрөөччүнү ураты турукка киллэрбитэ. Yгэс  быһыытынан дьоро киэһэни   арчы, алгыс  сиэринэн – туомунан саҕалаатылар. Оҕолорго эҕэрдэ, алгыс тылларын  эттилэр директоры научнай-методическай үлэҕэ солбуйааччы О.Е. Сундупова уонна «Төрүт культура» салаатын сэбиэдиссэйэ Р.А. Габышев.  Бастакы  курс  устудьуоннара (куратор  В.В. Мыреева ) үөрүүлээх быһыыга-майгыга саха дьонун сиэринэн бэйэлэрин билиһиннэрдилэр, дьоҕурдарын  көрдөрдүлэр, уɵрэххэ бэриниилээх буоларга андаҕар  тылларын  эттилэр.  Бэйэлэрин эҕэрдэ нүөмэрдэрин утары бэлэх ууннулар  үрдүкү  курс студеннара. Дьоро киэһэ эдэрдии эрчимнээх оһуохайынан, минньигэс астаах остуол тула истиҥ сэһэргэһиинэн түмүктэннэ.