Муус устар 26 күнүгэр «Арчы дьиэтэ» духуобунай култуура киинигэр III-с «Төрөөбүт айыл5абын туойабын» республиканскай тойук күрэ5э буолан ааста. Күрэх Арасыыйа5а Айыл5а харыстабылын сылыгар, Саха республикатыгар ыччат сылыгар уонна Саха республиката төрүттэммит күнүгэр аналлаах ыытыллынна.

Күрэх сыала-соруга: Тойугу үгэс буолбут ньыматын сайыннарыы; тойугу эдэр ыччакка уонна а5а саастаах дьоңңо тар5атыы; тойукка тута хоhуйууну киллэрии; саха төрүт ырыатын толорууга эдэр дьону кө5үлээhин. Бу сылга күрэх биирдиилээн уонна бөлө5үнэн толорууга элбэх дьону муста: Намтан, Уус-Алдантан, Горнайтан, Мэңэ-Хаңаластан, Yөhээ Дьааңыттан, Дьокуускай куорат таhынаа5ы нэhилиэктэртэн, Искусство оскуолата, 7-с, 31-с нүөмэрдээх оскуолалар, М.Н. Жирков аатынан музыкальнай колледж уонна биhиги үөрэхпит кыhата Дьокуускайдаа5ы культура уонна искусства колледжын төрүт культура салаатын студеннара кытыннылар. Күрэххэ уопсайа 60 кыттааччы 3 бөлөххе арахсан кыттыыны ыллылар: 1 бөлөх – оскуола саастаах о5олор, 2 бөлөх – 18-36 саастаах эдэр ыччат, 3 бөлөх – 37 үөhээ саастаах дьон. Тойук күрэ5ин дьүүллүүр сүбэтин бэрэсэдээтэлинэн Саха республикатын культуратын үтүөлээх үлэhитэ Надежда Семеновна Толбонова, чилиэннэринэн «Арчы Дьиэтин» дириэктэрэ, Саха республикатын культуратын туйгуна Валентина Ивановна Бочонина, Саха республикатын культуратын үтүөлээх улэhитэ Галина Гаврильевна Федорова, Музыка уонна фольклор музейын үлэhитэ, Саха республикатын үөрэ5ириитин туйгуна Варвара Валерьевна Обоюкова үлэлээтилэр.

Биhиги үөрэхпит кыhатыттан төрүт культура салаатын 1-кы, 2-с, 4-с курсун студеннара ситиhиилээхтик кытыннылар. Ол курдук, эдэр ыччат бөлө5үгэр Виолетта Попова 2-с курс студена «Кэскиллээх тойуксут» анал аат, Улмас Федоров (2-с курс) 3-с степеннээх лауреат, Элеонора Семенова (4 курс), Наталья Стручкова (2 курс) 2-с степеннээх лауреат, Марфа Платонова (4 курс) 1-кы степеннээх лауреат аатын сүктүлэр. Күрэх уопсай түмүгүнэн кыайыылаах Гран-При үрдүк аатын биhиги үөрэхпит кыhатын 4-с курсун студена Валерий Платонов ылла. Ону таhынан «Бастын уhуйааччы» анал ааты уhуйааччы Винокуров Михаил Николаевичка туттардылар.

Маннык күрэх ыытыллара сэңээриилээх, эдэр ыччат саха ырыатын-тойугун иңэринэн илдьэ сылдьарыгар тирэх буолар. Субу курдук араас күрэхтэргэ дьон-сэргэ, эдэр ыччат кыттан билиитэ-көрүүтэ кэңиир, саха ырыатын-тойугун толоруутугар улахан уопут ылар.