Бүгүн Саха театрын артыыстара А.Д. Макарова аатынан Култуура уонна искусство колледжын театральнай салаатын бастакы куурсун устудьуоннарын кытары көрүстүлэр.

Ол курдук СӨ үтүөлээх артыыһа Дьулустаан Семёнов, Ирина Михайлова, Жанна Ксенофонтова, Аида Еремееваартыыс идэтигэр хайдах кэлбиттэрин, туттарсыы тургутууларын хайдах ааспыттарын кэпсээтилэр, театр эйгэтин кистэлэҥнээх быыһын сэгэттилэр. Испэктээкил иннинэ турукка киирэри, оонньуур уобараһы хайдах арыйары сүбэлээтилэр. Устудьуоннар иһийэн олорон болҕойон иһиттилэр, артыыстарга араас соһуччу ыйытыылары биэрдилэр. Театральнай салаа бастакы куурсун устудьуоннара балаҕан ыйыгар испэктээкиллэри номнуо көрбүттэрин туһунан үөрэ-көтө кэпсээтилэр. Ол курдук Пушкин каартатын туһанан И. Гоголев “Кэрэ көмүскэлигэр”, Б. Харысхал “Учуутал”, У. Захаров “Маһары. Ыраахтааҕыга айан” испэктээкиллэргэ сылдьыбыттар.

Көрсүһүү чэрчитинэн администратор Жанна Капралова устудьуоннарга театр эйгэтин билиһиннэрэр экскурсияны оҥордо.