Быйылгы 2022 сыл Россияҕа норуот ускуустубатын уонна култуурунай нэһилиэстибэтин сылынан, Саха сиригэр Ийэ сылынан биллэриллибитэ. Маны таhынан, Саха АССР тэриллибитэ 100 сыла.

Олунньу ый 13 күнэ – саха суругун-бичигин төрүттээбит лингвист-учуонай Семен Андреевич Новгородов төрөөбүт күнэ. Онон бу күнү Саха Өрөспүүбүлүкэтин бастакы бэрэсэдиэнэ М.Е. Николаев 1996 с. «Төрөөбүт тыл, сурук-бичик күнүнэн» биллэрбитэ. Быйыл С.А. Новгородов төрөөбүтэ 130 сыла.

Бу үөрэх дьылыгар А.Д. Макарова аатынан Дьокуускайдааҕы култуура уонна ускуустуба кэллиэhэ олунньу ый 12 күнүгэр күнүс 14 ч. 00 мүн. Төрөөбүт тыл, сурук-бичик күнүгэр аналлаах «Сахалыы саҥарыах, урааҥхайдыы онолуйуох» диэн тэрээһин ыытара былааннанар. Бу тэрээһиҥҥэ быйылгы сыл улахан суолталаах бэлиэлэригэр аналлаах викторина, «Уран тыл уйата, хоhоон тыл хорооно» диэн уус-уран айымньы суруйуутугар уонна «Тускулу туһаайбыт саргылаах санаалар…» диэн үбүлүөйдээх саха поэттарын хоhооннорун уус-уран ааҕыыга күрэхтэр ыытыллыахтара.

Бука бары устудьуоннары Zoom куйаар ситиминэн ыытыллар күрэхтэргэ көхтөөх кыттыыны ыларгытыгар ыҥырабыт!