Сылын аайы ыытыллар «Төрөөбүт тыл, сурук-бичик күнүн» тэрээһинэ быйыл 24 төгүлүн олунньу 13 күнүгэр А.Д. Макарова аатынан Дьокуускайдааҕы культура уонна искусство колледжын Youtube-ханаалыгар таҕыста.

Дьоро түһүлгэни директор З.Н. Никитин эҕэрдэ тылынан аста. Үгэс буолбут «Поэзия кырдалыгар көрсүһүүгэ» преподавателлэр уонна үлэһиттэр сөбүлүүр хоһооннорун ааҕан иһитиннэрдилэр. Биһиги үөрэхпит кыһатыгар үөрэнэр араас омук оҕолоро бэйэлэрин төрүт тылларынан тэрээһини айхаллаатылар, бары куурустар оҕолоро сахалыы хоһооннору аахтылар.

Маҥнайгы куурустар студеннарын икки ардыларыгар ыытыллыбыт саха тылыгар, литературатыгар билиини тургутар «Өркөн Өй» күрэҕин кыайыылаахтарынан буоллулар: Стручкова Василина (үҥкүү салаата), Атастыров Арыйаан (СКД салаата) уонна муҥутуур кыайыылаах – Давыдова Алена (төрүт культура салаата).

«Уран тыл уйата, хоһоон тыл хорооно» литературнай тыл күрэҕин биһирэбил суруктарын туттулар: Иванова Мария(үҥкүү салаата), Созонова Айыына (хор дирижерун салаата). Кыайыылаахтарынан ааттаннылар: Никонова Милена (СКД салаата), Григорьев Иван (төрүт культура салаата), муҥутуур кыайыылааҕынан Латышев Андрей (хор дирижерун салаата).

Саргы дьаалы салалыннын!

Сахалыы саҥа сатараатын!