Төрүт култуура салаатын уһуйааччылара сэтинньи 25-26 күннэригэр ыытыллыбыт Саха тылын, литературатын уонна култууратын учууталларын III өрөспүүбүлүкэтээҕи сийиэһигэр кытыннылар.

Сийиэс дэлэгээтэ, саха тылын, литэрэтиирэтин учуутала Васильева А.Н. «Идэҕэ бэлэмниир үөрэх тэрилтэлэригэр саха тылын, литературатын уонна култууратын үөрэтэр усулуобуйаны тэрийии, тупсарыы» түһүлгэҕэ  «Култуура уонна ускуустуба  эйгэтигэр идэҕэ бэлэмнээһиҥҥэ төрөөбүт тылы, литэрэтиирэни үөрэтии тосхоллоро» (Дьокуускайдааҕы А.Д. Макарова аатынан култуура уонна ускуустуба кэллиэһин үлэтин уопутуттан) диэн үлэтинэн кытынна.

Уһуйааччылар Харитонова С.В. норуот тылынан уус-уран айымньыта диссипилиинэҕэ «С.С. Васильев – Борогонскай «Күн Эрили» олоҥхотун үөрэтии», Мыреева В.В. «Олоҥхону толоруу тэтимигэр үлэ» диэн тиэмэлэринэн «Олоҥхо педагогиката» түһүлгэ үлэтигэр кытыннылар.

Үөрэтээччилэр сийиэс үлэтэ дириҥ, киэҥ ис хоһоонноох ыытыллыбытыттан астыммыттарын, хайаан да үтүө түмүктэри аҕаларыгар эрэллэрин биллэрэллэр.